欢迎访问 单单理财网
你的位置:首页 > 报告 > 正文

【古天后日誌】香港下半年GDP或见负增长

时间: 2019-07-22 14:11:37 |

【古天后日誌】香港下半年GDP或见负增长

  7月17日,天晴,天气酷热,最高气温34度,继续酷热天气警告,真係热到跳舞。侵侵唔知又乜事跳制,无啦啦话如果佢愿意,随时可以加徵更多对华关税。因为佢呢一句,美股三大指数微跌,结束四连升。不过美企踏入业绩高峰期,暂时派咗成绩表嘅重磅股,表现仍然唔错,对美股带嚟支持作用。不过古天后已多次强调,中美贸易关係虽见缓和,但侵侵一向反口覆舌,又喜出尔反尔,中美之间嘅贸易磨擦唔係咁轻易解决,双方之间嘅贸易关係仍存变数。

  虽然美股只係微跌,但港股喺ADR跌逾百点,夜期亦继续受制28600,目前恒指喺新加坡于28500水平之下徘徊,跌逾百点。虽然港股表面睇嚟市底唔算弱,周一裂口低开后即日回补,噚日更成功突破28600,挑战100日线( 28638),无奈缺乏成交配合,兼且100日线尚未企稳,上升动力有限。暂时期指支持位略略上移至50日线( 27939),失守将下试27800,甚至回补上月大型上升裂口。至于短线28600至28800水平阻力仍大,加上成交未能配合,要突破向上挑战二万九关,看似这幺近,那幺远。

  港股波幅呢期愈现愈细,但咁窄嘅波幅肯定唔够大户开饭,可惜大市迟迟未爆边,呢个困局未知仲要搞几耐。咁嘅情况其实真係少做少错,睇埋成交金额就知大部份缸边友都有同感,加上近日政治事件令人心烦,唔少缸边友已无心恋战,一係关心时事,一係索性无眼睇,放暑假外游。

  内地已公布次季经济增长放缓至6.2%,虽合符市场预期,但为27年以来最低。众所周知,内地论财新数据抑或官方数据均含水份,实际内地经济情况係点,一班内地厂家最清楚不过,加上面对中美贸易战纠纷,今年更加係雪上加霜。而踏入业绩期,A股或暴露更多企业表现不济嘅负面消息。由于港股呢期都係受A股影响较大,一旦A股业绩有乜冬瓜豆腐,港股难免受拖累。

  至于香港呢边嘅经济数据,更令人失望,第一季GDP增长只有0.5%,而已公布嘅5月份零售总销货值,按年下跌1.3%,当中以珠宝首饰、电器及耐用品、眼镜等三大类,跌幅最大。噚日已有两零售股发盈警,分别係卓悦(00653) 股价及相关新闻 将会盈转亏,而佐丹奴(00709) 股价及相关新闻 料中期盈利倒退38%。睇嚟香港第2季及第3季嘅GDP应该更难睇,更有可能出现负增长。

  古天后

  (徐狄怡,证监会持牌人 汇盈资产管理 董事总经理)

新闻标题: 【古天后日誌】香港下半年GDP或见负增长
新闻标签: 证券(4)
Top